Претпразнично изненадување за дечињата од Детската-клиника

Во духот на новогодишните празници и празнувањето, првиот центар против стареење во Македонија, Promoitalia, посака да ги изненади дечињата од Детската-клиника во Скопје со интересен новогодишен подарок.

Имено, децата од Детската-клиника вчера се здобија со убаво украсена новогодишна елка, накитена на несекојдневен начин, токму од вработените на центарот, со безброј шарени и светкави лампиони и мечиња, кои закачени на елката предизвикаа голема радост и воодушевување.

„Секогаш децата се оние што треба да ни бидат инспирација да се потрудиме да бидеме почовечни и похумани, не само за време на празниците, туку и во текот на целата година. Тие се нашата иднина и токму нивната среќа и благосостојба треба да бидат приоритет кај секого од нас.“, изјави Олгица Стојимировиќ, сопственичка на првиот центар против стареење во Македонија, Promoitalia.

Голема благодарност до сопственичката на центарот, изрази и директорката на Клиниката за детски болести во Скопје, проф. д-р Аспазија Софијанова, која како и дечињата, не ја криеше својата воодушевеност од подарокот и од убавиот гест да им се разубават празниците токму на децата што престојуваат во клиниката за време на новогодишните празници.

Празнични радости за дечињата од Здр. за умствен развој на деца

Декември е еден од највеселите месеци, а како што се одбројуваат деновите пред Новата година, така еуфоријата и празничната атмосфера го зафаќаат секого од нас, особено децата. Овој дел од годината е најубавата шанса на некое дете да му го разубавите секојдневјето и да му подарите нешто што пријатно ќе го изненади.

Првиот специјализиран центар против стареење во Македонија, Promoitalia, продолжува да нè изненадува со својата годишна акција по повод новогодишните и божиќните празници.

Имено, по неодамнешната посета на Детската-клиника во Скопје, кога ги изненади и ги израдува дечињата сместени на таа клиника, подарувајќи им новогодишна елка со многу подароци, вчера ги посети и децата и персоналот во Куманово, што се ангажирани околу спроведувањето на програмата Brainobrain.

Здружението работи со лиценцирани програми за развој на ментални и интелектуални вештини кај децата во предучилишна и училишна возраст и развој на функционалното здравје, каде што акцентот е особено ставен на талентираните деца.