Магичните конци или полидиоксанон (PDO) затегнувачки конци го стимулираат производството на колаген за третирање на телесната флаксидност одвнатре, како и подмладување на кожата на нозете, рацете, абдоменот и задникот без операција или општа анестезија.
PDO (polydioxanone) КОНЦИ
PDO конци се фини конци за затегнување кои ги имплантираме во дермисот за да се постигне лифтинг ефект без операција или анестезија.
Полидиоксанонот е разложувачки и потполно компатибилен материјал, широко користен во кардиохирургијата, поради својот капацитет на кохезија на клетките. Се добива од п-диоксанон.
Откако ќе се внесат во кожата, овие конци создаваат ефект на двоен лифтинг:
1.Од една страна, секој конец генерира затегнувачка фиброза во околното ткиво. Овој процес го регенерира соседното ткиво.
2.Од друга страна, индуцирана е генеза на колаген и еластин, протеини кои го држат ткивото заедно и затоа се одговорни за цврста и мазна кожа.
БЕНЕФИТИ ОД PDO КОНЦИ
- Ефектите траат од 2 до 3 години.
- Брза процедура, која трае само 30 до 60 минути.
- Конците се скоро невидливи за око и незабележливи на допир.
- Третираната регија се обезболува со примена на крем анестетик.
- Не предизвикуваат алергии или отфрлање.
- Пациентот може веднаш да се врати во неговата нормална дневна рутина.
- Конците можат да се применат на лице и на тело.
- Компатибилни се со други третмани, како што се PRP, мезотерапија или радиофреквенција.
Откако ќе се внесат и проверат конците, ние го оптимизираме нивниот ефект со примена на протокол од 3 сесии на мултиполарна радиофреквенција за да се подобри стимулацијата на колагенот и еластинот, бидејќи фибробластите се особено чувствителни на комплементарните третмани кога се во контакт со pdo конци.
ИНДИКАЦИИТЕ ЗА УПОТРЕБА НА PDO КОНЦИ
Полидиоксанон конците се индицирани за лифтинг на кожата на:
- Внатрешна регија на рака.
- Внатрешна регија на нога.
- Задник.
- Гради.
- Абдомен.
МАГИЧНИ КОНЦИ ЗА ТЕЛО, ЧЕКОР ПО ЧЕКОР
Третманот трае приближно 30 до 60 минути, се работи во само една сесија и не бара хоспитализација или општа анестезија.
Се означуваат серија на вектори на кожата за да се дефинираат областите што треба да се затегнат.
Конците се внесуваат во дермисот со помош на многу тенки игли, во вид на мрежа на вектори кои што го покриваат ткивото кое е најпогодено од флаксидноста.
Во нашиот Центар препорачуваме контролен преглед две недели по постапката за да се утврди потребата од евентуална корекција и да се процени дали на пациентот му требаат повеќе конци за да се затегне кожата на третираната област.
МАГИЧНИ КОНЦИ ЗА ТЕЛО: РЕЗУЛТАТИ
Стимулацијата на фибробласти, како и производството на колаген и еластин ги дава следниве придобивки:
- Инстант лифтинг ефект во третираната регија.
- Долгорочен ефект на лифтинг, при што новите влакна на колаген и еластин предизвикани од конците започнуваат да дејствуваат од моментот на имплантација, постигнувајќи максимален ефект 2 или 3 месеци по постапката.
- Подмладување на кожата, преку поголема виталност, сјај и еластичност.
- Ја подобрува флаксидноста во третираната област.
- Го подобрува тонусот на кожата.
Првата проценка на резултатите се спроведува две недели по третманот и може да се прилагоди во секое време.
Организмот ги реапсорбира конците за 6 или 8 месеци, како резултат на дејството на ензимите или хидролизата. Во овој период продолжува стимулацијата на фибробластите, ова се клетки кои произведуваат колаген и еластин, така што ефектот на затегнување се подобрува со текот на времето.
Во зависност од состојбата на кожата на пациентот, ефектот од конците може да трае од 2 до 3 години.
КОЛКУ КОНЦИ СЕ ПОТРЕБНИ?
Бројот на конци зависи од состојбата на кожата на пациентот и ефектот кој сакаме да го постигнеме.
На пример, за третман на внатрешната страна на ногата или раката може да бидат потребни 20 или 50 конци.
Конците со кои располагаме се со различни должини и ширини. Работиме со должини од 3 до 15 сантиметри. Третманот е индивидуален и се прилагодува на потребите на пациентот.
ПРЕПОРАКИ ПРЕД ТРЕТМАН СО КОНЦИ
Препорачуваме да се следат серија чекори пред постапката , насочени кон оптимизирање на резултатите и спречување на можни негативни ефекти.
- Употребувајте витамин Ц неколку дена пред процедурата, бидејќи ја стимулира синтезата на колаген.
- Нанесете крем или гел со витамин К ден пред третманот.
- Избегнувајте антикоагуланси, како што е ацетилсалицилна киселина.
- Избегнувајте стимуланси како што се кафе, пијалоци базирани на кола или тутун во деновите пред третманот.
ПРЕПОРАКИ ПО ТРЕТМАНОТ
Откако ќе се спроведе третманот, им препорачуваме на пациентите да следат низа рекомендации дома:
- Да се држат ладни облоги во првите неколку часа по третманот.
- Третираната област може да се измие многу внимателно 5 часа по постапката.
- Избегнувајте интензивни масажи во третираната област еден месец.
- Ако се појави модринка, нанесете Lioton, Hepathrombin или друг антикоагулантен гел локално во првите неколку дена.
МОЖНИ НЕСАКАНИ ЕФЕКТИ
Во текот на првите неколку дена, конците може да предизвикаат непријатност и хиподермични хематоми, кои брзо поминуваат сами по себе. Локално воспаление или инфекција може ретко да се појави.
КОНТРАИНДИКАЦИИ ЗА PDO КОНЦИ
Третманот со конци е контраиндициран во бременоста, инфекција во регијата која што треба да се третира, автоимуни заболувања, тежок дијабетес и акутна васкуларна болест.
СЕКОЈ МЕСЕЦ ANTI AGING CENTER BY PROMOITALIA ГИ РАДУВА СВОИТЕ ПАЦИЕНТИ СО ПОПУСТИ НА НЕКОЛКУ ТРЕТМАНИ.ИНФОРМАЦИИТЕ ЗА МОМЕНТАЛНИТЕ АКЦИИ МОЖЕТЕ ДА ГИ ВИДИТЕ НА НАШИОТ САЈТ www.antiagingcenter.mk ИЛИ НА ФЕЈСБУК СТРАНИЦАТА : Anti Aging Center by Promoitalia.
Олгица Стојимировиќ,
Сопственичка на Anti Aging Center by Promoitalia,Скопје
