Козметички процедури во бременоста: Што е безбедно?

Од ботокс до хемиски пилинзи, нашиот експерт објаснува што можете да правите а што не.
Оние кои редовно користат естетски третмани – без оглед дали се тоа хијалуронски филери, ласерски третмани или пилинзи – потребно е навреме да се запознаат со евентуалните ризици од процедурите пред да останат бремени.

Што ги советува Олгица своите клиенти кои можеби планираат бременост?

Дали филерите се безбедни за употреба во бременоста и доењето?
“Секогаш постои ризик со било каква медицинска интервенција – вклучувајќи ги и хијалуронските филери. Значи, зошто да ризикувате во еден од најдрагоцените периоди во вашиот живот? Исто така, тежината и балансот на течности се менуваат за време на бременоста а со тоа може да се промени и ефектот кој го даваат филерите. Ги советувам клиентите да немаат никакви инјекции освен ако тоа е апсолутно неопходно – односно од здравствени причини”.

А ботоксот?
“Нема клинички докази што укажуваат на тоа дека ботоксот е небезбеден во бременоста или доењето, но практично е да не се инјектира токсин кај бремени жени за да не се случи нешто со бебето. Не се спроведува клиничка студија на оваа тема поради етички размислувања “.

Ако некој добие ботокс во непозната бременост, дали е проблем?
“Ова се случува многу често и нема клинички докази или дури и анегдотски докази за да се каже дека е опасно. Видовме многу убави и здрави бебиња родени од мајки кои подоцна дознале дека биле бремени за време на нивниот последен третман со ботокс”.

Колку долго треба да чекате после бременоста за да имате ботокс?
“Штом престанете да доите, во ред е да започнете со ботокс, но најдобро е да почекате додека вашата кожа и хормони не се смират”.

Кои пилинзи за кожа се безбедни во бременоста?
“Лесни површински пилинзи на база на млечна киселина и гликолна киселина се во ред, но само бидете подготвени дека кожата може да реагира поинаку од вообичаено во бременоста поради хормоналните промени”.

Може ли да се прават ласерски третмани на лицето?
“Реакциите на кожата може да бидат непредвидливи за време на бременоста и ризикот од хиперпигментација е поголем, па затоа би советувала да се избегнуваат ласерските третмани”.

Дали иглените процедури се сметаат за безбедни?
“Игличките се побезбедни, се додека се користат плитки игли (како 0,5 мм). Не сакаме да го носиме ризикот од појава на хиперпигментација со претерување”.

Како што истакнува Олгица, “обично, жените сјаат и изгледаат свежи – а со тоа и помлади кога се бремени”, што може да биде доволно за убавина. Доволно е да ги следите препораките на нашите доктори за нега на кожата во бременоста – и уживајте во неа.

 

net

Олгица Стојимировиќ,

Сопственичка на Anti Aging Center by Promoitalia,Скопје

https://www.facebook.com/AntiAgingCenterMK/

https://www.instagram.com/antiagingmk/